वाते मुंगा मोलारी मोलारी
My swan song
कायी गोरुरो राजकीय,सामाजिक अन सांस्कृतिक अस्तित्व धोकेम आवगो छ. ??
अनुवाद,संपादन,लेखन चळवळ ई गोरुर सवारेर उज्वल भवितव्येर नांदी छ..!
_____________________________________________
*आवो एकजागं भळा..अमीर उमराव बेसका करा..गोरुर गौरवशाली इतिहास हुबो करा...!!*
गोरमाटी तांडेर मानवतावादी वाड;मयीन संस्कृती,गोरुर जीवनशैली,सौंदर्य संपन्न गोरबोली भाषा,मौखिक वाड;मयेर ओळख जगदनीयारी से भाषामं वेयेर नंजरेती साहित्य चळवळीमं अनुवादेरो मोल घणो मोटो रचं.आज गोरगणेर सायित्य चळवळीमं "अनुवाद क्रांतीरो" एक नवो पगला जयराम पवार उपजिल्हाधिकारी सायेब वटायो छ.इ नक्कीज गोरगणेर वेस अन हिंमाणीर ओळख मराठी भाषिक लोकून करन देयेवाळो एक क्रांतीकारी पगला ठरेवाळो छ.
आसे पगलाती एक भाषिक समाजेर मूळ संस्कृती,विचारधारा,जीवनशैलीर ओळख दुसरे भाषिक लोकुताणू पुचती रचं.जसो महाकवी कालिदासेरो संस्कृत सायित्येर ओळख इंग्रजी भाषा अनुवादेती जगदनीयार लोकून हुयी.महकवी कालिदासेर साहित्येर इंग्रजी अनुवादेती भारतेर साहित्य जगभर प्रसिद्ध हुवो.
आज गोर सायित्य चळवळीम संपादन,लेखन,अनुवाद चळवळीरो एक नवो पगला उपडरो छ.इ घण आणदेर वात छ. भीमणीपुत्र लिखित मराठी भाषा माईरो *गोरपान गोरबोलीतील भाषा सौंदर्य* ये सायित्यकृतीनं प्रा.दिनेश सेवा राठोड इंग्रजी भाषाम लाताणी गोरबोली भाषारो रुप सौंदर्येर ओळख सारी जगदनीयार लोकून करन दिनो.गोरबोली भाषा सायित्य अन गोरुर मानवतावादी वाड;मयीन संस्कृतीर ओळख आज जगेनं वेरी छ.
डाॅ.जे.जे.रायबर्मन बांगलादेश इ प्रख्यात इंग्रजी लेखक मार घरं १५ मुक्काम करन मार *गोरमाटी संस्कृती आणि संकेत* येर संदर्भेर आधार लेन *इथनाग्राफी ऑफ ए डिनोटीफाईड ट्राईब द लमाण बंजारा* ये इंग्रजी पुस्तकेर माध्यमेती गोरुर नवलक मौखिक वाड;मयीन संस्कृतीर ओळख जगदनीयार लोकून किदो छ.
आदिवासी लेखिका माता स्वेतादेवी ये आत्माराम कनिराम राठोडेर *तांडा* आत्मचरित्रेर भाषांतर करन तांडा सायित्येर, जीवनशैलीर ओळख जगभर प्रसिद्ध करमेली छ.
"फन्डामेंटल रिसर्च सेंटरेर टिम मार मुलाखत लेन तांडा जीवनशैलीर ओळख डिजिटल उपस्थितीमंडळ लान जगप्रसिद्ध करमेले छ.
प्रा.रविंद्र ब.राठोड नागपूर येथे सोशल मिडिया परेर विकरायी हुवी मार *वाते मुंगा मोलारी* My swan song ये सायिय सदरेर संपादन करन सेनं वाचेसारु उपलब्ध करमेले छ.सुनील राठोड मेघावत बदलापूर मुंबई ये आर्थिक हातभार लगान संपादन चळवळीनं गती देयेर प्रयत्न कररो छ.
राजकारणे पेक्षा सायित्य चळवळीर ताकत घण प्रभावी रचं येरो भान आज गोर वचारी,उद्योगपती अन शब्द सैनिकेऊनं आवगो छ.इ गोरगणेर सवारेर उज्वल भवितव्येर नांदी छ.
एकेवडी गोरबोली भाषा सायित्य अन तांडा जीवनशैलीर नवलाई जगदनीयार अभ्यासकेनं नवलक वाटरी छ तोपर दुसरीवडी गोरुर संघटना माईर मतमतातंर,राजकीय चळवळी माईर गोर नेताऊर पक्षबाजी धोरण ये से वातेती गोरुरो राजकीय,सामाजिक अन सांस्कृतिक अस्तित्व धोकेम आवगो छ.येनं कू आवरतू आये ? येर चिंतन डायसाण पातळीपं वेणू गरजेर छ.
डावोसाणो वचारी मिलिंद पवार सायेबेरो केणो भी धेनेम लेणू लागेवाळो छ. ओनेर केणी छ क, "एक जमानेमं गोर भी गडपती रं! ये गडपतीऊर वारसेन आज कोरीकोर जू नचारे जू नाचरे छ.न्यावेर भागा मांगरे छा ऊ भी मळरो कोनी छ." ये वघमेपं आबं एकज इलाज छ,सोतार ताकत बडाणू पडीये...गोर बंजारारी आची वाते कोरुताणू पुचाणू पडीये...आपणो गौरवशाली इतिहास वजाळेम लाणू लागीये इ काळेर गरज छ".मिलिंद पवारेर इ वचार वाजवी छ..!
*आवो एकजागं भळा..अमीर उमराव बेसका करा...तांडेरो सवारेरो भविष्य उजळ करा!!*
*भीमणीपुत्र*
*मोहन गणुजी नायक*
My swan song
कायी गोरुरो राजकीय,सामाजिक अन सांस्कृतिक अस्तित्व धोकेम आवगो छ. ??
अनुवाद,संपादन,लेखन चळवळ ई गोरुर सवारेर उज्वल भवितव्येर नांदी छ..!
_____________________________________________
*आवो एकजागं भळा..अमीर उमराव बेसका करा..गोरुर गौरवशाली इतिहास हुबो करा...!!*
गोरमाटी तांडेर मानवतावादी वाड;मयीन संस्कृती,गोरुर जीवनशैली,सौंदर्य संपन्न गोरबोली भाषा,मौखिक वाड;मयेर ओळख जगदनीयारी से भाषामं वेयेर नंजरेती साहित्य चळवळीमं अनुवादेरो मोल घणो मोटो रचं.आज गोरगणेर सायित्य चळवळीमं "अनुवाद क्रांतीरो" एक नवो पगला जयराम पवार उपजिल्हाधिकारी सायेब वटायो छ.इ नक्कीज गोरगणेर वेस अन हिंमाणीर ओळख मराठी भाषिक लोकून करन देयेवाळो एक क्रांतीकारी पगला ठरेवाळो छ.
आसे पगलाती एक भाषिक समाजेर मूळ संस्कृती,विचारधारा,जीवनशैलीर ओळख दुसरे भाषिक लोकुताणू पुचती रचं.जसो महाकवी कालिदासेरो संस्कृत सायित्येर ओळख इंग्रजी भाषा अनुवादेती जगदनीयार लोकून हुयी.महकवी कालिदासेर साहित्येर इंग्रजी अनुवादेती भारतेर साहित्य जगभर प्रसिद्ध हुवो.
आज गोर सायित्य चळवळीम संपादन,लेखन,अनुवाद चळवळीरो एक नवो पगला उपडरो छ.इ घण आणदेर वात छ. भीमणीपुत्र लिखित मराठी भाषा माईरो *गोरपान गोरबोलीतील भाषा सौंदर्य* ये सायित्यकृतीनं प्रा.दिनेश सेवा राठोड इंग्रजी भाषाम लाताणी गोरबोली भाषारो रुप सौंदर्येर ओळख सारी जगदनीयार लोकून करन दिनो.गोरबोली भाषा सायित्य अन गोरुर मानवतावादी वाड;मयीन संस्कृतीर ओळख आज जगेनं वेरी छ.
डाॅ.जे.जे.रायबर्मन बांगलादेश इ प्रख्यात इंग्रजी लेखक मार घरं १५ मुक्काम करन मार *गोरमाटी संस्कृती आणि संकेत* येर संदर्भेर आधार लेन *इथनाग्राफी ऑफ ए डिनोटीफाईड ट्राईब द लमाण बंजारा* ये इंग्रजी पुस्तकेर माध्यमेती गोरुर नवलक मौखिक वाड;मयीन संस्कृतीर ओळख जगदनीयार लोकून किदो छ.
आदिवासी लेखिका माता स्वेतादेवी ये आत्माराम कनिराम राठोडेर *तांडा* आत्मचरित्रेर भाषांतर करन तांडा सायित्येर, जीवनशैलीर ओळख जगभर प्रसिद्ध करमेली छ.
"फन्डामेंटल रिसर्च सेंटरेर टिम मार मुलाखत लेन तांडा जीवनशैलीर ओळख डिजिटल उपस्थितीमंडळ लान जगप्रसिद्ध करमेले छ.
प्रा.रविंद्र ब.राठोड नागपूर येथे सोशल मिडिया परेर विकरायी हुवी मार *वाते मुंगा मोलारी* My swan song ये सायिय सदरेर संपादन करन सेनं वाचेसारु उपलब्ध करमेले छ.सुनील राठोड मेघावत बदलापूर मुंबई ये आर्थिक हातभार लगान संपादन चळवळीनं गती देयेर प्रयत्न कररो छ.
राजकारणे पेक्षा सायित्य चळवळीर ताकत घण प्रभावी रचं येरो भान आज गोर वचारी,उद्योगपती अन शब्द सैनिकेऊनं आवगो छ.इ गोरगणेर सवारेर उज्वल भवितव्येर नांदी छ.
एकेवडी गोरबोली भाषा सायित्य अन तांडा जीवनशैलीर नवलाई जगदनीयार अभ्यासकेनं नवलक वाटरी छ तोपर दुसरीवडी गोरुर संघटना माईर मतमतातंर,राजकीय चळवळी माईर गोर नेताऊर पक्षबाजी धोरण ये से वातेती गोरुरो राजकीय,सामाजिक अन सांस्कृतिक अस्तित्व धोकेम आवगो छ.येनं कू आवरतू आये ? येर चिंतन डायसाण पातळीपं वेणू गरजेर छ.
डावोसाणो वचारी मिलिंद पवार सायेबेरो केणो भी धेनेम लेणू लागेवाळो छ. ओनेर केणी छ क, "एक जमानेमं गोर भी गडपती रं! ये गडपतीऊर वारसेन आज कोरीकोर जू नचारे जू नाचरे छ.न्यावेर भागा मांगरे छा ऊ भी मळरो कोनी छ." ये वघमेपं आबं एकज इलाज छ,सोतार ताकत बडाणू पडीये...गोर बंजारारी आची वाते कोरुताणू पुचाणू पडीये...आपणो गौरवशाली इतिहास वजाळेम लाणू लागीये इ काळेर गरज छ".मिलिंद पवारेर इ वचार वाजवी छ..!
*आवो एकजागं भळा..अमीर उमराव बेसका करा...तांडेरो सवारेरो भविष्य उजळ करा!!*
*भीमणीपुत्र*
*मोहन गणुजी नायक*
