*दखल एके अप्रतिम लेखेर........!*
*भाषा वैविध्याची बोली*
---------------------------------------
*-डॉ. दिनेश सेवा राठोड*
येंदुरो कालेर अप्रतिम लेख रातेन दी वाजता वाचंन घणो मस्त वाटो.आंनद हुयो. पणं निंद वडगी.गोरविचारवंत तथा आंतरराष्ट्रीय इंग्रजी समीक्षक डॉ. दिनेश सेवा राठोड सरेर ये लेखेमायीती घणं तळमळ दखान पडी.वोरो केणों छं की, गोरूर लेखक/कवी जापाती जापा गोरबोली साहित्य निर्माण करणुं.ये वातेती म सहमत छुं.हाणु वो का केरेछं.येरो महत्त्वेर कारण छं.की,आसामी कवी नीलमणी फुकन आंन कोकणी लेखक दामोदर मावजो येंदुन २०२१ सालेर ज्ञानपीठ पुरस्कार मळोछं. वोंदुर ही भाषा लिपीबद्ध छेणीं तरीही वो आपणीं आपणीं भाषाम लखन मानकरी ठरगेछं. तो आपणें गोरूर साहित्यिक लोकुंन ज्ञानपीठ पुरस्कार का मळेणीं.? आपणं कतराक दन मराठी भाषाम लखेवाळं छां?आपणं गोरूर प्रसिद्ध तथा नामवंत लेखक जसे भिमणीपुत्र मोहन नाईकसाहेब, प्राचार्य ग.ह.राठोड, डॉ. रमेश आर्या (वडतीया), डॉ. दिनेश सेवा राठोड, डॉ. अशोक पवार, डॉ. सुनिता पवार, डॉ. गणेश चव्हाण भरकाडीकार, राजाराम जाधव सर, जयराम पवार, डॉ. गणपत राठोड, मोतीराम राठोड, डॉ. रुखमणी पवार, विद्या चव्हाण, डॉ. सुभाष राठोड, येंदुरो साहित्य लाख मोलेर रेयेरबादही येंदुर दखल दिल्ली दरबारी तो लेरे कोणी पणं आपणं ही कारभारी लेरे कोणी. खरोचं आज जलनायक सुधाकरभाऊर आठवण आवछं.ऊ एकलोच साहित्य रसिक आंन साहित्येर कदर करेवाळो महानेता हेणं चलेगो. बाकी नेतान तो साहित्येती कायी लेणोंदेणों दखायेणीं.कणाई कुणसेच साहित्यिक/कवी बलांन चर्चा करेणी. आमदार/खासदारेन तो गोर साहित्येती कायींच लेणोंदेणों दखारो कोणी. वो वोंदुरच परेशानीम छं.
गोरबोली लखेवाळें कवी/ लेखकेर संख्या दनेती दन बढरीछं. पणं वोंदुर पुस्तकेर समीक्षा करेवास आपणं कमी पडरेछां.म एकलोच समीक्षा करतो फररोछुं. वोपर भी लोक टिकाटिपणी करू कररेछं.आपण़ सेता करेर छेणीं आंन दुसरेनही करेदेर छेणीं. आस निती दनेतीदन बढती जारीछं.आसे छंछुंदर लोकुन रोखणुं लागछं. आपणेंन साहित्य चळवळ बढायेर हिय तो सर केवळ गोरबोली लखन भागेणी.तो वोर समीक्षा भी करणुं लागछं.कारण लारेर तिन सालेती म आबेतांणु गोरूर ( १९३६ ते २०२२) तांणु ३९५ पुस्तक निखळेछं.वो मायीती ६२ पुस्तकेरम मार आकलन शकती नुसार समीक्षा करमेलोछुं. म कणाईच कुणी की म घणों आछो लखरोछुं. पण लखरोछुं. येरो परिणाम आसो हुयो की,लदेणीं,लोहगढं,लावणं पिवसी,गोरबंजारा राज,अंधार यात्रीचे स्वप्न, गोरपिठ, वसंतराव नाईक, घुगरी घालेरो,गोरमाटी, वेदना संवेदना,गोरधुन,बंजारा संस्कृती, आंन भुक छळतें तेंव्हा ये पुस्तकेर प्रंचड मागणी वाढगी. समीक्षा ई क्षेत्र गोरूर पुस्तकेन आंघ बढायोरो काम करछं.आज आपणें समाजेम नवनवीन छिंछाबर घणें आछें लखरेछं.वोंदुर साहित्य एकदन जरूर समाजेन आंघ लेजायोरो घणों मोठो काम करेवाळो छं. आपणं गोरबोली लखेन तो चाय पणं आपणें पुस्तकेर समीक्षा आपणें सरीक विद्धवान लोक जर करते गे.तो निश्चितच आपणें पुस्तकेर मागणी वाढ सकछं.आज भिमणीपुत्र मोहन नाईकसाहेबेर घर जवळपास पाचसात हजार पुस्तक पडेछं.पणं पुस्तकेर मागणी छेणीं. इ परिस्थिती जवळपास चकछं लेखकेर छं. येरेवास आपणेंन घणों काम करेर गरज छं.
पुणारो सुनील राठोड गोरूर साहित्य चळवळ बढायेसारू घणो प्रयत्न कररेछो. इ वात आपणेंवास सेती मोठ ऊपलब्धी छं.
*डॉ. दिनेश राठोड सर*
तमारे तळमळेंन यश आणुं आंन जापाती जापा गोरबोली साहित्य निर्माण हेणु आस आशा रखाड़णं म मार वाणींन विराम दुछुं.🙏🙏!
तमार तळमळ एकदंन जरूर रंग लाय...
*जय सेवा...जय..जेता..जय गोरबोली!*
*✍️याडीकार, पुसद-9421774372*
No comments:
Post a Comment
Jada jankari ke liye comment kare.